علي هامش التظاهرات

لطيف شاكر

الحوار المتمدن-العدد: 2929 - 2010 / 2 / 27 - 02:07
المحور: حقوق الانسان
    

علي اثر التظاهرات التي انطلقت في بلدان كثيرة وولايات عديدة في بلاد المهجر واوربا نتيجة مذبحة نجع حمادي ليلة عيد الميلاد وقتل فيها سبعة مواطنين مصريين, جاءني حفيدي يطلب مني مساعدته في مده بمعلومات لزوم سبب التظاهرات التي ملأت كاليفورنيا واسبابها وآثارها لتقديمها presentation بعد ايام امام زملائه وبعض المعلمين وفقا لطلب استاذه وسيكون حاضرا بعض المعلمين ومدير المدرسة presentation . وهذا من صميم التعليم في مدارس امريكا ان يكلف الطالب بعمل بحث لاي حدث ويقوم بتقديمه امام الطلبة ,وهذا بخلاف التعليم في بلادنا مصر حيث يكتفوا بتلقين الطلبة كم من المعلومات يفرغها في الامتحان ويرميها وراء ظهره ولا يتذكر منها الا القليل في احسن الظروف ولا يحاول استخدامها في حياته العملية, فبالاضافة انها طريقة مملة فان حصيلة المعلمين تكاد تكون منعدمة لانه لايجدد معلوماته بالقراءة والبحث لكن في امريكا يقوم المعلمون بعمل ابحاث مستمرة لتنشيط فكرهم وتجديده ذهنهم مما يجعله في حالة اضطرار الي القراءة والاطلاع علي احدث وسائل التعليم والجديد في مادته والوقوف علي احدث المعلومات حتي يكون امام طلابه كوبا ممتلأ دائما فيروي طلابه من عطش العلم والفكر .
وعندما جائني حفيدي بهذا الطلب استأذنته بأدب ان يتركني بعض الوقت حتي استطيع الرد بالمعلومات الكافية , وفي الحقيقة دخلت في دوامة تفكير عميقة كيف اجيب حفيدي بالمعلومات الصادقة والذي بدوره سينقلها لزملائة واساتذته وسيكون مصدرا هاما لهذه المعلومة.. ماذا اقول عن مذبحة حدثت...ماالسبب ...ماوراء الحدث.....ماذا ستكون النتيجة...هل هذا اول حدث من نوعه ..ولماذا .....هل سيكون اخر الاحداث .......فكرت كثيرا قبل ان يوجه لي اسئلة قد تكون سببا لاحراجي مابين صدق المعلومات وخزي وعار البلد ,خاصة ان الحفيد يتمتع بالذكاء والمعرفة ولايستسلم بسهولة الي الرأي العابر, فهو دائما يريد الاقناع وتشغيل العقل, وكان كل مرادي ان اظهر مصر بصورة حضارية لاني اريد لحفيدي ان يحب ويحترم مصر كما اعشقها انا, واريد ان ادرأ الجرم عن الوطن حتي لايشب كارها له..ولكن شعرت انني بين همبازين اما الصدق علي الحفيد لحساب الوطن مصر او الكذب عليه انتقاصا لمصداقيتي امامه وهو سيدرك الحقيقة ان عاجلا او آجلا نتيجة المصادر الكثيرة الممكن التوصل اليها بسهولة ويسر ...ماذا تفعل ايها القارئ لو كنت مكاني امام طفل مثقف بعلوم الاتصال الحديثة بل الاكثر انه شاهد بعين رأسه التظاهرات والهتافات الدالة علي الظلم والاحاديث التي جرت مع مناديب الاعلام ووكالات الانباء, ولم اري بد ان اواجهه بشئ من الصراحة واحاول ان اهرب من الاسئلة الصعبة اخذا في الاعتبار ان نجاحه في تقديم البحث المطلوب وبصدق وشفافية سيعول عليه الدرجات التي سيحصل عليها .
--ودعوت الله ان يوفقني امام حفيدي الصغير في السن والكبير في المعلومات والعنيد في اسئلته فناديته لكن القي عليه محاضرتي الخائبة مبررا موقف الدولة من هذا الحدث , وبعد ان اصغي بانتباه ابتسم وبادرني بكلام من نوع آخر هو ياجدو انت مش عارف حاجة
ولا ايه وبعدين انت عايزني اكذب ولا عايزهم يضحكوا علي......
--ليه ياحبيبي انا ارفض الكذب تماما لانك تعلم نتيجة الكذب شريرة
يبقي انت مش عارف حاجة
--طب عرفني ياكريستوفر
الموضوع غير كده خالص يعني عايز تفهمني ان مصر بلد امان ذي امريكا
--طبعا احنا اصل حضارات العالم كله
هو اللي عنده حضارة يقتل ويموت
--هل تنكر ان مصر بلد الحضارة
لا..لاانكر كانت ياجدو في الماضي لكن هم عندهم الان حضارة اخري دا الاستاذ جاب لنا تقرير وعرفنا ان مصر حصلت علي رقم قرب الاخير في الشفافية والعيال عايروني وقالولي بلدك متخلفة..... بس فيه ولد صومالي متغاظ منه عشان بيقولي ياكافر قلتله احنا احسن منكم في الشفافية ....هي ده حضارة انت باين عليك مش عايزني اخذ درجة كبيرة انا حنتظر بابا او ماما عشان يفهموني احسن
--يعني بابا وماما حيفهموك احسن مني
علي الاقل مش حيخبوا حاجة...طب بلاش تقولي قصة ممكن اسألك وحضرتك تجاوب
--اعتبرت انه جاء الفرج فاجبته بالايجاب وبدأ يطرح اسئلته الحرجة
هل هذه اول حادثة دموية
--لا سبقها 165 حادثة فقط مثلها او اكبر او اقل منها
ماذا فعلت الدولة عشان تمنع تكرار الحوادث يعني فيه ناس حصلت علي احكام شديدة والدولة اهتمت بالاحداث
--في الحقيقة الدولة معملتش حاجة والقتلة لم يأخذوا احكام
طب مشالوش الحكومة اووزير وفصلوا مسئولين الامن والقضاء
--الامن ملهوش دعوي بمشاكل الاقباط غير ظلمهم فقط والقضاء معندهوش غير البراءة اصلهم مش فاضيين لنا
فضحك الولد بطريقة هستيرية ياجدوا حضرتك اتجننت وشاور بيديه علي رأسه تعني الجنان اصلك بتقول الامن والقضاء ملهمش دعوي هم قاعدين يعملوا ايه في البلد يمضغوا لبان ويقزقزوا لب وياخدوا فلوس
--ياكرستوفر عيب ايه الكلام دا حضارة مصر اقدم واهم حضارة
يبقي ده بلد حضارة تعرف ياجدوا دي غابة يموتوا بعض ومفيش حد يحاكمهم يعني القوي الكثير يموت الضعبف القليل فوضي.... طب ممكن سؤال تاني هم قتلوهم ليه يوم العيد بالذات
--بيقولو ان فيه بنت اغتصبت في بلد ثانية وهم جم ليلة العيد عشان يموتوا......
هم اللي اتقتلوا هم اللي عملوا جريمة الاغتصاب
--لا..لا
وهم من نفس البلد
--لا..لا
وهم مسكوا الولد اللي عمل كده
--نعم الامن صاحي في مثل هذه الحالات والان بيحاكموه وغالبا حيعدموه مع ان كل الدلائل تثبت انه معملش حاجة
يانهار اسود ياجدو (الحقيقة لم افهم العبارة لاول وهلة لان لهجته العربية ركيكة) يعني البلد مش هي والاولاد اللي اتقتلوا ملهمش ذنب والاغتصاب امامه قتل سبعة....وحيعدموا الولد اللي مهملش حاجة ..... اروح المدرسة اقولهم ايه انا مكسوف ....طب جدو اشمعنا دول اللي عملوا كده هم اقربائهم
--لا..لا
طب ليه
--في الحقيقة انا بحاول اخفي موضوع الاديان امام الطفل, لكن اضطررت ان اقول الحقيقة اصلهم دول مسلمين واللي اتقتلوا اقباط
طب ايه ياعني ما احنا عايشين هنا فيه اديان كثيرة ومبيحصلش كه
-- صمت صمت القبور برهة ثم قلت امريكا بلد محترمة ياحبيبي
سؤال ثاني ياجدو وايه ياعني الاغتصاب ممكن يتجوزها وخلاص كنت قلت لهم كده
--حاضر المرة الجاية
يعني فيه مرة جاية ثانية !!!
--(في الحقيقة خرجت مني الكلمة عفوا )لا مش مرة ثانية فقط مرات كثيره يا حبيبي جاية
باين عليها بلد مجانين ووحوش طب سؤال ثاني لو كان يعني البنت مسلمة والولد مسيحي كان حيحصل كده
--طبعا لا
لماذا..؟
--طب اقول ايه الان اقول ده تعاليم الدين الاسلامي.. ولا اقول لان البلد بتحميهم.. ولا اقول مفيش قانون ولا اقول ايه .......
عموما انا عارف حاجات كثيرة ومش محتاج رد من حضرتك
--عارف ايه ياكريستوفر ؟
انا قرأت تاريخ مصر من كتب المكتبة في المدرسة وعرفت التاريخ المصري والاحتلال العربي وعرفت مصايب كثيرة في البلد امين المكتبة ساعدني لما عرف انني مصري وعرفت عملوا ايه في الاقباط انت فاكرني مش عارف حاجة
--(وهنا شعرت انني سقطت من يدي) فقلت له ممكن تكمل مع بابا وماما وتريحني
هو انت قلت حاجة عشان يكملوا دا انا اعرف اكثر منك...
--شكرا ياكريستوفر روح لبابا وماما وكفاية
جدو معلش انا حسألك سؤال واحد هل عندك احصائية علي كل المذابح اللي حصلت للاقباط في مصر؟
--هنا التقطت انفاسي لاني سوف امده بمعلومات موثقة وفي غني عن الكلام فاعطيته ملفا كاملا عن احداث الذبح وخطف البنات وحرق الكنائس وهدم المتاجر وخراب البيوت وموقف الامن والقضاء والمجالس التشريعية والتنفيذية واعطيته الملف فرد عليٌ انا لازم اقرأ الملف عشان يبقي الكلام كويس وحا كتب ملخص واعطيك صورة ..انا مشغول قوي عشان دا واجب كبير باي مؤقتا
فضحكت معه وقلت له اعمل لك كوباية قهوة عشان تصحصحوتظبط راسك ..فلم يبالي بكلامي وذهب الي مكتبه وقبل ان يغيب عني قال متشكر ياجدو علي المعلومات السودا ده الحمد لله اني مش في مصر وجيبتنا هنا من زمان
--يعني كنت حتعمل ايه بسلامتك لو موجود في مصر
طبعا كنت حشتكيهم في كل مكان في العالم وحعمل مظاهرات ضد الحكومة والامن والقضاء وكله وكنت حعرض الجريمة علي زملائي المسلمين والاقباط وكنت حعمل حاجات كثيرة انتو ليه ساكتين انت فاكر ياجدو الواد سلام الواد المسلم اللي ضربني بسن القلم في ظهري السنة اللي فاتت وقالي ياكافر حتخش النار وسامحته اول مرةوقلتله لو عملتها ثاني حضربك ولما عملها ثاني ضربته علقة سخنة لاني بلعب جودو وطلعت الاول بعد كده هو بقه صاحبي وهو اكثر واحد بيشجعني لما العب الجودو مع اي حد ثاني .
--طب انت عايز تقولي ايه دلوقتي
لازم الناس تعرف احنا اقوياء لكن ممكن نسامحهم بس واحنا اقوياء ونبقي اصدقاء ومش اعداء وميحصلش حاجة ثانية هو انتم ساكتين ليه..؟
--لا ياكريستوفر مش ساكتين ...
حقولك ياجدو حكمة سمعتها من المدرس بيقول محدش يقدر يركبك الا اذا احنيت ظهرك له
--روح اقرأ الملف وريحني بسكاتك....
ثم اخذ الولد الملف وراح يردد بصوت عال مذبحة للاقباط يوم العيد قتلوا سبع رجالة ومش اول حادثة 165 جريمة قبلها والدولة متغيرتش والناس ذي ماهي والمجرمين لم يأخذوا احكام .. بنت مغتصبة في بلد راحوا يقتلوا سبعة في بلد ثانية والولد كمان حيعدموه ... كلام ميخشش المخ انا مقدرش اقول كده امامهم هي ده بلد ولا خرابة صدقني خرابة ايوا خرابة قال بلد قال ,وقال حضارة جدو اجنن ذييهم .
-- سمعت االكلام وفضلت عدم التعليق لاني اخشي يسألني ثاني فاختصرت الطريق والتزمت الصمت وقلت لنفسي ليس مكتوم لن يستعلن ولا خفي لن يعرف والحقيقة لابد ان تظهر والتاريخ لايكذب وويل للظالم من بطش المظلومين فدولة الظلم ساعة ودولة العدل لقيام الساعة لكن الرجل الحكيم استاذنا حنا حنا صحح الحكمة وقال العدل ساعة ودولة الظلم حتى قيام الساعة !!!!!!
--وقلت ثاني لنفسي يا بلد انت رايحه فين ...؟؟ اولادك الاشرار خطفوك .. لا احد يسأل عنك ولا عن شعبك ولا حضارتك.. اكلوا خيرك وفضلوا-العرب- غيرك ..صحيح الاصل غلاب..قالوا العرب جرب..و أشد كفرا ونفاقا...مرة يقولوا عرب ويدافعوا عن العرب والعروبة وعن الغزو والاحتلال ...ومرة يقولوا احنا مصريين ..ومرة يقولوا احنا اقباط مسلمين ..ياريت يستقروا علي رأي ويعرفونا هم ايه بالضبط هم مش عارفين ولا مش عارفين...نفسي اعرف ياهووووو..!!
ياخسارة يامصر ....الولد الصغير فضحنا امام الناس وبقينا علي كل لسان الصغير قبل الكبير...حاجة تكسف والدولة معندهاش خشي ولا دم ولا اخلاق...وعجبي !!!!

#لطيف_شاكر (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات