ايام في حياتي

محمودالمصلح

الحوار المتمدن-العدد: 2820 - 2009 / 11 / 5 - 22:58
المحور: كتابات ساخرة
    

من وين بتكون البداية ، ولحد وين عم بتوصل الحكاية ، الله وحده اعلم ، اما انا فاني اعرف ان الحكاية ليس لها بداية مثل ملهاش نهاية بالمعنى المفهوم لكلمةى نهاية
عشان النهاية دايما بتكون مربوطة بالموت كفانا الله وكفاكم شره .كنت صغيرولدومثل عادة الاولاد فيكل العالم وكل الدنيا وعلى مر العصور،كنت بغلط ، وهالغلط كان متفاوت مرة غلطةكبيرة ومرة غلطة صغيرة ومرة بكون مظلوم ..يعني مش غلطان ، يعني الناس بتفهم هالتصرف المعين على انه غلط .
وفي كل مرة بغلط ..لكن بعدالغلط ..بحسب حساب العقاب .. وعلشان انا خويف.. وما بحب انه بتتسود صفحتي قدام ابوي وامي واخواني وخواتي..كنت بحسب حساب المبرر قبل ارتكاب الغلط..طبعا هذا يعنياني كنت ارتكب الغلط عن سبق اصرار وترصد ..مش بس هيك وكنت بخطط للعمل بشكل جيد .. علن هيك كنت بحضرالمبرر
والعذر(كذبة )وهون بدي اكون صريح كتير كتير ..وما بدي الونها يعني الكذبة لا بيضاء ولا سوداء ولا حتى حمراء هي كذبة كذبة وبس..
هلا انتهيت من الغلط وعملته وصار اللي صار.. وصل الخبار لابوي ولامي.. وبجوز جارنا وصل الخبر .. او ابن عمي الغيور او ابن جارنا الحاسود او عيون ابي المبثوثة في كل مكان ..لانه احنا في مجتمع مخابرلاتي امني من الطراز الاول . . الصحيح اول من عندي لا والله هما عما بيقولو هيك .. اما انه اول او عاشر والله ما بعرف..لكن انا بعرفانه مجتمع مخابراتي متميز ..لاحظ غيرت كلمة اول بكلمة متميز.. هاي متميز من عندي انا نعم .
بيسألني ابي بعيونحمرا وايده ماسكه العصا وامي تشجع من الخلف وبعض الاولاد بلتصلصوا من خلف السور ، وبعض المقربين منهم تشجع ودخل الحوش وراح يراقب ويشاهد من اقرب نقطة ممكنة .بجاوب على السؤال بما تيسرمن كذب .. الكذبة الاولى نسيتها قبل ان اصل الى والدي ولم اقتنع بجدواها ..فورا يبتكر خيالي وعقلي كذبة جديدة كانت الخبرة تؤكد انها كانت فعالة على الاغلب ..
بينط واحد من ابناءالجيران ، او واحد من العيون المبثوثة .. ويكذب الكذبة .. ويدافع عن فكرته وهو يتلهف للحظة ان تقع العصا على جسدي ليتفرج على عذابي..
ثم ليذهب ويقص ما شاهد وسمع على الحارة ..لتضيف اليه مخيلاتهم ما يريدون وشو ما بهدم ..
كانت اكبر غلطة اني كنت بروح علسينما خلسة .. وكنت بتأخر على العودة الى البيت .. وهذا يجرابتكار الكذبة وراءالكذبة حتى صرت كذاب من الطراز الاول ( لاحظ رجعت الى التصنيف بقول اول ) لانه احنا ببلدنا مهتمين بالتصنيف .. بنقول المعلم الاول المربي الاول الرياضي الاول الرجل الاول الحداد الاول ....
اليوم كبرت وصرت زلمة بشوارب .. بسنسيت كلالكذب اليكنت بكذبه على ابوي وامي والناس.. وصرت بروح علسينما كيف ما بدي ..لكن بتلقى كذبات من اولادي
الكذبة اللي ما باتعجبك خذ غيرها ..وانا عن سبق اصرار وترصد بوافق عليها وبعمل حالي مصدق كل اللي بيقولوه .. وما قلت الهم اني كنت كذاب محترف وانه هالكذبات ما بتروح علي ..
وماسمحت لولاد الجيران بالتلصص عليهم ..وما بثيت عيوني وراهم وتركتهم هيك كيف ما بدهم .. الغريب انهم صاروا احسن مني كتير ، وكانوا وهما صغار احسن مني وانا صغير.

#محمودالمصلح (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات