كامل الركابي
(Kamel Alrikaby)
الحوار المتمدن-العدد: 2815 - 2009 / 10 / 30 - 09:25
المحور:
الادب والفن
المهر
نايم ع الرصيف
واحنه
لاصحره
ولاعدنه مضيف
***
المهر
مجروح
ورسم
ظله النزيف
يكبر الظل
والجرح
جمرة رغيف !
***
المهر
موسوم
ابسفر بين الرموش
وغبشه
وي خيط السحور
مدري وين
اوين راحل بيها
كل هاي النعوش !
***
المهر
مخطوف الوجه
شاحب نحيل
مدري هو البصرة
مسكونة بعطش
مدري النخيل ؟
***
المهر
فاحم بالسواد
جمر طافي
ومشتعل تحت الرماد !
***
المهر غامض عينه
شاعر بالنعاس
لو ينام
وبالشفايف
طعم آخر كطرة
من آخر الكاس
***
المهر
متشرد
ابظل روحه
وحيد
من علي ابراهيم
غادر للبعيد
بعد منهو
يغني ويانه النشيد !
***
المهر غاير بالسكون
راح تخلى وما بعد
ترحل ضعون !
#كامل_الركابي (هاشتاغ)
Kamel_Alrikaby#
كيف تدعم-ين الحوار المتمدن واليسار والعلمانية
على الانترنت؟