أخبار عامة - وكالة أنباء المرأة - اخبار الأدب والفن - وكالة أنباء اليسار - وكالة أنباء العلمانية - وكالة أنباء العمال - وكالة أنباء حقوق الإنسان - اخبار الرياضة - اخبار الاقتصاد - اخبار الطب والعلوم
إذا لديكم مشاكل تقنية في تصفح الحوار المتمدن نرجو النقر هنا لاستخدام الموقع البديل

الصفحة الرئيسية - كتابات ساخرة - عودة وهيب - لقاء صحفي مع الحاج زعيبل زعيم قائمة شفط الشفاطة















المزيد.....

لقاء صحفي مع الحاج زعيبل زعيم قائمة شفط الشفاطة


عودة وهيب

الحوار المتمدن-العدد: 2801 - 2009 / 10 / 16 - 12:10
المحور: كتابات ساخرة
    



الحاج زعيبل كان حزينا لفشل قائمته ( شفط الشفاطة ) في الحصول على اي صوت في انتخابات المحافظات الماضية ، ويقول عن ذلك:( والعباس ماظل حمّال ولاعربنجي ولاعطّال بطّال الا صوت لقائمتي لكن الجماعة كلوا اصواتنه من هلفج لهل الفج ، وكالولي قائمتك ماحصلت ولاصوت .. طلعت حتى انه مامصوّت لروحي !! ويكولون الأنتخابات نزيهه )
صار ديدن حاج زعيبل ترديد عبارة ( شيشيلهم .. شيشيلهم ) ليل نهار ولما طلبت منه ان لا يستسلم قال : ( استاد: ماكو فايدة، الشاص شاص، والحمل حمل .. لو يجي( العزير) هم مايكدر يشلعهم، ذوله صاروا مافيات، فلوس العراق صفت بجيوبهم ، وفوكاهه تساندههم دول قوية، فشلون تريدني انا وامثالي نتقارش وياهم .؟! ).
لقد قرر الحاج زعيبل اعتزال العمل السياسي بسبب يأسه من امكانية انقاذ العراق من المافيات المتحاصصة أو (المتماصصة ) على حد تعبيره ولذا فانه رفض الادلاء باي تصريح سياسي .
وحتى عندها قررت ان احتال عليه وقلت له انني اطلب رايه ليس باعتباره ( قطبا ) سياسيا بل باعتباره ( عطبا) عاديا يراقب مايجري حوله، رفض قائلا :(أستاد ماكو فايدة بالحجي.. الحجي ماكله الثور).
غير ان الحاج زعيبل غير رأيه وقرر استئناف نشاطه السياسي لسببين احدهما سبب مباشر وهو تلقيه( ايميل ) من النائبة (ميسون الدملوجي) التي يحلو له ان يسميها ( الدملوجه ) تعاتبه فيه على استغراقه في الحزن واليأس
اما السبب غير المباشر فهو تدافع الاحزاب والكتل السياسيه على بيته ،ويقول عن هذا التدافع : ( ياأستاد هلأيام صرت كلش عزيز عد قوائم الشفاطة ..يوميه وجايني وفد شكل، يوم لابسين جراويات يوم لابسين عمايم يوم افندية وكلهم يريدوني اتحالف وياهم.. كتلهم عمي جا اذا كل احنه نصير بقائمة وحدة جا ليش انسوي انتخابات؟ كالوا نريد نصير كتله وحده حتى لاتضيع اصوات الناخبين !! كتلهم : خل تضيع اصوات الناخبين ( ضيعة عين عودة) ، جا اصوات الناخبين احسن من فلوس النفط اللي شفطتوهه .. عمي ،انتم ماخايفين اتضيع اصوات الناخبين، انتم خايفين انتم نفسكم تضيعون ..تعرفون الناس جرّبتكم وعرفت دماراتكم وماراح تنتخبكم، فتريدون تلبدون بسد حاج زعيبل وغيره )
الهلع الذي تعيشه قوائم الشفاطه وتحفز ابناء الشعب لرميهم في اقرب (حديقة) من(حدايق) التاريخ زرع الامل في نفس حاج زعيبل وقرر ان يعيد تشكيل قائمته السابقة ( قائمة شفط الشفاطة ) وان ينزل الى الساحة بقوة، ووافق على اعطائي حديثا صحفيا مطولا سننشره على حلقات.

الحلقة الاولى

س:هل ستحتفظ قائمتك باسمها السابق
ج :بلي نفس الاسم ( شفط الشفاطة ) ومثل ماتعرف الشفاطه: همه الحكومة والاحزاب اللي تشارك بالحكومة .. ذولة شفطوا اموال العراق. واحنه اذا فزنه راح نشفطهم شفط ، ونرجع المليارات اللي باكوهه ..
تتذكر من كالولهم :اكشفوا ذممكم المالية ؟ قسم لي هسه مغلسين وماكشفوا ذممهم ( ايكولون ماعدنه ذمم ) وقسم كشفوا ذممهم بس ماقبلوا احد يعرف شكد عدهم ،وخيّرهم اللي ايكولون عنه خوش ولد وعلى اساس مابايك شي طلع عنده ربع مليون دولار(فقط) وهو جان حسرة علية القندرة الأسلامية (المصنوعة من جلد اسلامي حلال)، زين هذا الخيّر( المايبوك )عنده ربع مليون دولار جا أهل الايد الطويله شكد عدهم ..فاحنه اذا فزنه نزينهم (حواف) ونشفط منهم كل اللي شفطوه من اموال العراق .
س :لابد ان الناس قد نسوا برنامجكم فهل تتفضل بشرحه
ج: وداعتك استادي، السياسيين همه اللي ينسون برامجهم وحجيهم وقت الانتخابات، اما الناس فما ينسون شي، ولهل السبب الشفاطة خايفين محد ينتخبهم مرّه ثانية لأن الناس تتذكر وعودهم بايام الانتخابات وتعرف بلاويهم بعد الانتخابات ولهل السبب لبسوا اقنعة جديدة عبالهم العراقيين ازواج وراح تمر لعبة الاقنعة عليهم ، مايدرون الناس متحلفه بيهم.
س :هل تنوون في حالة فوزكم تطبيق شعار من اين لك هذا
ج :هاي ماينرادلهه سوعال .اول مانفوز نسحب جوازات كل المسؤولين حتى مايشردون وبعدين انكظهم واحد واحد : تعال ولك انت: جنت حافي ابن حافي منيلك هاي الفلوس والاملاك؟ زوعهه.
س : باثناء حملتك الانتخابيه هم راح مثل الجماعة اتكل للناس انا خادمكم الصغير؟
ج : اذا شفتلك مسؤول يكل للناس انا خادمكم الزغير ومن هل الكلاوات، كول هذا اكبر جذاب واكبر كلاوجي.. هو يريد يتحكم بينه ويكعد على الكرسي ويكول انه خادمكم الزغير. هذا غير زمان: الخادم حمايته ست الاف وفلوسه ماتنعد والسيد ( الشعب العراقي ) بحال الظيم وحتى ماي شرب ماعنده.
س : هل تعد الناس بتحسين الخدمات
ج : ابدا .. احنه ماراح نقدم أي خدمات للناس .. احنه برنامجنه معروف. احنه نوزع فلوس النفط على الشعب والشعب هو اللي يتصرف بفلوسه.
س :هل توضح هذه النقطة للقراء
ج - كل مصايب العراق اجت من الحكومات ،لوما الحكومات جا أحنه بخير، وفوكاهه العراق دولة غنية، فبدل مانتونس بفلوس نفطنه صار النفط نقمة علينه ، حكوماتنه موبس تنهب فلوس النفط ، لا وتحول قسم من هاي الفلوس الى اسلحة موت واجهزة امنية ارهابية تطارد المواطن . ولكم بكتوا فلوس نفطنه ، عوافي ، اكلوا او وصوصوا، ليش تركضون ورانه وشابعينه ظيم ،جا فوك حكّه دكّه .
وهذا الوضع ( اقصد حرمان العراقيين من خيراتهم ) ماتغير بعد ان تفضلوا ( السادة والموامنه ) مشكورين بتخليصنه من نظام صدام، ظلت معاناتنه هي هي( نفس الطاس ونفس الحمام) ، وكل الوادم تعرف بان العراق اجته اكثر من 300 الف مليون دولار من السقوط لليوم . وين راحت هاي المليارات ؟ طبعا انباكت . ياهو اللي باكهه ؟ الشعب باكهه ؟ طبعا لا ، اللي باكتهه الحكومة وربعهه ( اهل الخواتم والسبح ) . الارهاب اللي ذبح شعبنه قسم جبير منه يتمول من سرقات نفطنه وبنوكنه،(اتصور حتى البنك الخاتل بزوية ماسلم منهم) ، فاذا الحكومة حرامية واحزابنه شلايتيه فليش نخلي فلوس نفط الشعب بايدهم ؟ ليش مانوزعهه على اصحابهه اللي همه ابناء العراق . اتصور لو موزعين ال 300 مليار دولار على 30 مليون عراقي جاحصة كل عراقي دفتر(10 الاف دولار) - دولار ينطح دولار- ، يعني اصغر عايله اتطب الهه خمس او ست دفاتر . لكن اللي حصل شنو ؟ فلوس النفط راحت لجيوب اشحيت وبحيت ومغسول الصيت، واحنه حصتنه بس اللطم.
س : طيب في هذه الحالة ، ماذا عن موظفي الدولة ، من اين ندفع لهم رواتبهم
ج :ننطيهم احريشي ، احنه ماندفع رواتب للموظفين ،الموظفين ياخذون اجرة عملهم من المراجعين ،نخلي اسعار لكل معاملة. مثلا معاملة الجنسية بعشر دولارات معاملة الجواز بمية دولار ، معاملة الطابو بخمسين دولار ، اجرة السنة الدراسية للتلميذ كذا دولار .وكل موظف يخدم الناس ياخذ منهه اجرة معروفة. هسه هم ياخذون رواتب من الدولة وهم ياخذون رشوة من المواطنين.ماكو معاملة تمشي بغير رشوة فليش ننطيهم رواتب وهمه لازم يكمركون المواطن.
اما الوظايف الجبيرة اللي بيهه كشخه مثل الوزير والسفير وشيل ايدك فهاي الشعب ياخذ منهم اجرة يعني نبيعهه بالمزاد العلني ،اللي يدفع اكثر يحصل منصب جبير، والله وكيلك كل وظيفة راح يزاود عليهه الاف الناس لأن مثل ماتعرف هوايه ناس تحب الامارة حتى لو على حجارة، فاللي يريد يصير وزير حتى يكشخ خل يدفع فلوس للشعب ،مو منا هو كاشخ وصاير نجم بروسنه،ومنا احنه نعلف عليه ، الله مايقبل. اما اللي يريد يقشمرنه ويكول انا اريد اصير وزير او سفير حتى اخدم الشعب انكله شكرا واصل جايك ، روح طوش الفحل احسن لك.

وللحديث بقية في الحلقة القادمة




#عودة_وهيب (هاشتاغ)      



اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين
حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل


كيف تدعم-ين الحوار المتمدن واليسار والعلمانية على الانترنت؟

تابعونا على: الفيسبوك التويتر اليوتيوب RSS الانستغرام لينكدإن تيلكرام بنترست تمبلر بلوكر فليبورد الموبايل



رأيكم مهم للجميع - شارك في الحوار والتعليق على الموضوع
للاطلاع وإضافة التعليقات من خلال الموقع نرجو النقر على - تعليقات الحوار المتمدن -
تعليقات الفيسبوك () تعليقات الحوار المتمدن (0)


| نسخة  قابلة  للطباعة | ارسل هذا الموضوع الى صديق | حفظ - ورد
| حفظ | بحث | إضافة إلى المفضلة | للاتصال بالكاتب-ة
    عدد الموضوعات  المقروءة في الموقع  الى الان : 4,294,967,295
- ثرثرة على شواطيء الخيبة
- دعوة لمحاكمة قيادات المجلس الاعلى الاسلامي
- دستور زعيبل
- صوت الحاج زعيبل ليس للبيع
- هناري
- الحاج زعيبل والعلمانية
- حاج زعيبل يدعم ميسون الدملوجي
- الدعثي
- أنت تسأل وحاج زعيبل يجيب -الجزء الثاني
- أنت تسأل وحاج زعيبل يجيب -الجزء الأول
- حاج زعيبل يؤسس قائمة انتخابية للفقراء
- الحاج زعيبل يدلي برايه
- الحاج زعيبل ضد مجالس الاسناد
- كابوس العودة
- كيف ارثيك صديقي وصديق الفقراء
- كابوس صحفي
- درس في سلوك العبيد
- من اين لك هذا
- سيناريو اليوم الموعود
- القدر يحالف العراق مرة اخرى


المزيد.....




- فعالية بمشاركة أوباما وكلينتون تجمع 25 مليون دولار لصالح حمل ...
- -سينما من أجل غزة- تنظم مزادا لجمع المساعدات الطبية للشعب ال ...
- مشهور سعودي يوضح سبب رفضه التصوير مع الفنانة ياسمين صبري.. م ...
- NOW.. مسلسل قيامة عثمان الحلقة 154 مترجمة عبر فيديو لاروزا
- لماذا تجعلنا بعض أنواع الموسيقى نرغب في الرقص؟
- فنان سعودي شهير يعلق على مشهد قديم له في مسلسل باللهجة المصر ...
- هاجس البقاء.. المؤسسة العلمية الإسرائيلية تئن من المقاطعة وا ...
- فنانة لبنانية شهيرة تكشف عن خسارة منزلها وجميع أموالها التي ...
- الفنان السعودي حسن عسيري يكشف قصة المشهد -الجريء- الذي تسبب ...
- خداع عثمان.. المؤسس عثمان الحلقة 154 لاروزا كاملة مترجمة بجو ...


المزيد.....

- فوقوا بقى .. الخرافات بالهبل والعبيط / سامى لبيب
- وَيُسَمُّوْنَهَا «كورُونا»، وَيُسَمُّوْنَهُ «كورُونا» (3-4) ... / غياث المرزوق
- التقنية والحداثة من منظور مدرسة فرانكفو رت / محمد فشفاشي
- سَلَامُ ليَـــــالِيك / مزوار محمد سعيد
- سور الأزبكية : مقامة أدبية / ماجد هاشم كيلاني
- مقامات الكيلاني / ماجد هاشم كيلاني
- االمجد للأرانب : إشارات الإغراء بالثقافة العربية والإرهاب / سامي عبدالعال
- تخاريف / أيمن زهري
- البنطلون لأ / خالد ابوعليو
- مشاركة المرأة العراقية في سوق العمل / نبيل جعفر عبد الرضا و مروة عبد الرحيم


المزيد.....
الصفحة الرئيسية - كتابات ساخرة - عودة وهيب - لقاء صحفي مع الحاج زعيبل زعيم قائمة شفط الشفاطة