ما فيش موضوع

جهاد علاونه

الحوار المتمدن-العدد: 2558 - 2009 / 2 / 15 - 08:00
المحور: كتابات ساخرة
    

هذا اليوم ليس ككل الأيام بل له طابع آخر , لقد كانت أشعة الشمس دافئة جدا , والهواء نقي جدا , بحيث سمحت لي هذه الظروف بأن أُمدِدّ جِسمي على سرير غُرفة النوم وأن أشخص بنظري لسقف الغرفة .
وفي الحقيقة لو أجرينا دراسة عن أحاديث النساء لكانت كلها كلام فارغ , ويقال أنه لو سكتت النساء عن الكلام لإستطعنا أن نستمع لصوت شلالات النيجارى من بعد 100ألف كيلو متر .

وأثناء إرسال نظري لسقف الغرفة كانت زوجتي تمرُ من جنبي وكأنها الريح من شدة سرعتها , لتستعدّ لِلَملَمتْ الملابس , والذهاب بها إلى غرفة الغسيل , أما أنا فلم أكن لأعير هذه الأمور إنتباهي إطلاقا وأنا على فكره في البيت لا أختلفُ إطلاقا عن ذكر النحل , يعني لا أعمل شيء غير واجبي كذكر نحل , بل كنت سارحا في سقف الغرفة شاخصا بصري للأعلى ممسكا يداي ببعضهما البعض ومرسلهما إلى خلف رأسي , وكانت أرجلي تلتف بعضها على بعض (وإلتفت الساق بالساق إلى ربك يومئذٍ المساق)..وأثناء إنشغالي بأفكاري تذكرتُ حادثة أو جملة حدثت معي في الماضي , فتحركت شفتايا عن بعضهما البعض وأخذتُ نفسا عميقا ومن ثم تبسمتُ إبتسامة صغيرة جدا , وأنا أنظر فوق رأسي بأعلى سقف الغرفة .
أما زوجتي فلا أدري كيف إستدارت بسرعة البرق الخاطف وإقتربت مني وهي تسألني عن سبب الضحكة , فأجبتها حادثة قديمة وبسيطة حدثت معي منذُ شهور , يعني ما في داعي تعرفيها .

-لالا شو ما في داعي : أعطيني سبب وجيه لإبتسامتك الشفافة التي ظهرت فجأة ؟
- ما في سبب , بعدين تعالي إنت كيف شفتيني بضحك , ؟ بالرغم من إني كنت بضحك على الصامت والرجاج , مثل جهاز الموبايل .
- شفتك على المُري(المرآة) .
والمري هي جمع لكلمة مرآة في اللغة واللهجة العامية .
- فقلت لها :
- ما في سبب بس هيك قصة قديمة وصعب أشرحها ولو سمعتيها ما راح تضحكي منها أنا متأكذ.
- لالا هسع بدك تحكي .
- يا مرتي (زوجتي) صدقيني ما راح تفهميها , بعدين إنت فعلا زي الحكومات الأردنية بتحبيش إتشوفني مبسوط , أو زي الأنظمة العربية بتحبش إتشوف شعوبها مبسوطة ؟
- يا زلمه شو دخل السياسة ؟ أنا شفتك على المُري بتضحك هسع بدي تحكيلي عن سبب وجيه إللي خلاك تضحك.
-الله يلعن المُري واليوم إلشفنا فيه إختراع المري , فعلا غرفتنا فيها مُري كثيرة جدا وصار لازم إنغيرها أو على الأقل إنخفف من عددها , كما تخفف الدول من عدد الدبلوماسيين في أي دولة تقع بينها وبينها أزمة سياسية .
- لا إتغيرش الموضوع ولا تخرج عنه , خليك هادي.
- حاضر : بصراحه زمان قبل مدة طويلة كنت جالس بالصدفة مع أصدقاء قدامى لي , وكنا نتحدث عن النكات والطُرف العجيبة , فقام واحد من الشباب وقال :
أجيت أطخ الذيب طخيت إفرُسي.
- هاي هي السولافه؟
- آه هاي هي .
- طيب ليش إضحكت ؟
- إضحكت عشانها بتضحك بتطقق من الضحك.
- أسع هاي بتضحك وبتطقق من الضحك ؟
- آه : ولو شفتي الموقف وطبيعته كان إضحكتي زيي .

- طيب ليش تذكرتها أسع في هذا الوقت بالذات ؟
- إختيار الوقت مسألة مش مخطط لها كما تعتقدين بس أنا هيك تذكرتها ..
- يعني سبحان الله إنت يا زلمه دايمن هيك ؟
- يا مره( زوجه) كيف أنا دايمن هيك ؟ أي أنا عُمرني ضحكت عليكي .(عليك)؟
- آه دايمن إنت بتعملها والله ما بنسى أي شيء , أي الأسى عُمره يا زلمه ما بنتسى.
- أسا شو وبنتسى شو , أي إحنا في مباراة أو حرب ؟
- لالا هسع بدك إتقلي على إيش إضحكت وأنا ماره من جنبك ؟
- هلا ..هلا ..شو صارلنا ساعه بنسولف ؟
- هاي سولافتك ما بتضحكش نهائيا .

- آه , صح, ممكن إنها تكون بالنسبه إلك مش مضحكة , بس أنا مضحكه وبتفرّط من الضِحك .
- لالا هسع بدك تحكي على إيش إضحكت .
- بعدين مع هذا اليوم ما بدهوش يخلُص؟... بدك الصراحه ؟
- آه بدي الصراحه يا أبو صراحه .
- بصراحه أنا ضحكت هيك بدون سبب .
- آه بان على حقيقتك بان , أنا ما بدي أحكيلك إنه الضحك بدون سبب قلة أدب , بس بدي إياك تطلع إللي إمخبيه .
- أطلع شو ومخبي شو ؟؟, صدقيني صارلنا ساعه بنحكي كلام فارغ كله كذب , طاير بالهوى ومن دون جدوى .
- طيب شو هو الكلام إللي كله جدوى؟

- يعني لو مثلا نتناقش على مثلا ..مثلا ..عن أحمد شوقي وهل يستحقُ أن يكون أميرا للشعراء .
- آه أجينا على الكلام المفيد , وإنت قصدك تظهرني بمظهر الجاهله , إللي ما بتعرفش شيء , لو إنك كنت فالح , كان ضليتك ..بديش أحكي إلحيطان ليها أذان .
- أذان شو وحيطان شو ؟؟؟, ما هو كله خلص صار على المكشوف .
- أسع بدك إتقلي تحكيلي على إيش إضحكت ؟
- يا بنت الناس , صدقيني هذا كل الموضوع .
- لالا في موضوع أخطر من هيك .
- موضوع أخطر من هيك ؟
- آه أخطر من هيك .
- زي إيش يعني , موأمرة جديدة على العراق ؟
-لا.
- لعاد شو , ؟ حرب نووية ؟
- أيوه إتمصخر عليّ إتمصخر على شاني جاهله .
- بعدين معاك بتعرفي بدأنا النقاش الساعة الخامسة مساءا والآن الساعة 10 ليلا .
- معقول ؟
- آه معقول .
- هذا إنت يا زلمه بتحب السوالف إكثير .
-أنا ؟ههه هههههههههه ؟ ما هو إنت بتسألي وأنا أُجيبْ.
- بس بدك الصحيح؟ أي من أول إحكي هيك يا زلمه إنه ما فيش موضوع , وإنك كنت بتضحك على سولافه قديمه.
- حصل خير , بس عن جد إنت دوشتيني .

طبعا هيك ما فيش موضوع ولو كان في موضوع حقيقي كان لسا إستمرينا بالحكي أيام طويلة ولربما جولات وجولات وبنود وإتفاقيات .

#جهاد_علاونه (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات