عودة وهيب
الحوار المتمدن-العدد: 2437 - 2008 / 10 / 17 - 05:31
المحور:
الادب والفن
انه وانت وكل عراقي
الى صديق لااسميه حتى لايغار الورد
سقينه السهر
من ليالي النوح
ورضعنه احلامنه
من ثدي العطّاب
عصرنه عل الشفايف
طيبة الروح
ونغاوي العذر
من عطر الآسباب
نسلنه العشك
بامشاط الجروح
وحفرنه اشواكنه
يم عتبة الباب
بنينه من الوفه
ديران وصروح
ونثرنه المرحبه
بكيعان الاصحاب
خلينه المسامر
دلته اتفوح
وبحضن الهلا
نيّمنه الاعتاب
نفزع للهلاهل كبل متصيح
وبقوس المحبة نصير نشّاب
******
غزلنه الهوى
بانوال الاسرار
ودفنه اسرارنه
مابين الادموع
ورسمنه الأمل
بعيون محتار
وسكينه الحلم
بافراح وضلوع
وضفرنه اطيافكم
باصوابنه الحار
وبهمسة عشك
حنيتوا الاربوع
تسرنه انسامكم
لوهفهفت علدار
وخطبنه اودادكم
والمهر مدفوع
انتم بالكلب بانين ،لاموش خطار
وبصبينه رسمكم دوم مطبوع
عوده وهيب الحبيب
-2007
#عودة_وهيب (هاشتاغ)
كيف تدعم-ين الحوار المتمدن واليسار والعلمانية
على الانترنت؟