أخبار عامة - وكالة أنباء المرأة - اخبار الأدب والفن - وكالة أنباء اليسار - وكالة أنباء العلمانية - وكالة أنباء العمال - وكالة أنباء حقوق الإنسان - اخبار الرياضة - اخبار الاقتصاد - اخبار الطب والعلوم

الصفحة الرئيسية - الادب والفن - حسين جهيد الحافظ - خواطر ممزقة














المزيد.....

خواطر ممزقة


حسين جهيد الحافظ

الحوار المتمدن-العدد: 2355 - 2008 / 7 / 27 - 06:32
المحور: الادب والفن
    


(( خواطر كتبت من واقع الزمان والمكان أدناه ))
أربيل—خليفان—معسكر اسپيلك
25 / 6 /---- 25 /8 /1983

أچلبنك يليلي ألـــــف تچليبه
على وكتي الغدرني وفر دواليبه
( 1 )
أچلبتك يليلي وكورك العالي
عليً جيــثــوم خـيم بهذل أحوالي
يمر الليل كله اِمنوخ اِگبالي
صرت مثل الحمل واِمجابله ذيبه
( 2 )
أچلبنك يليلي اِمكالب اِويه الروح
ساعات اِتهجع ساعات مني اِتروح
يا عكس الزمان الصار ذله اِيفوح
يداخي للزنينه ويــرفـض الطيـــــبه
( 3 )
أجلــبـــنـــــك يليلي بين آه وآه
يا ويــــل الزمان وألــ،ف يا ويلاه
صادگت العدو وگمت الصديچ أنساه

مدري اتغيرت مدري الوكت غيّر تراتيبه
(4 )
أجلبنك يليلي وهذا مو طــبـعــي
أدافع عن عدوّي وحــاربــت ربعي
ريتك بالسگم يا گلبي دوم أدعي
چي لــنـــك ذلــيـــــــل وتدعي هيبه
(5 )
أجلبنك يليلي ومچمن الحسرات
ماخذني ودلــيــلــي بالونــيــن ايبات
چنت أدري الزمان اهوايه بيه دكّات
بس هـــيـچــي نـذل ماچـنــت أدريـبـه
(6)
أجلبتك يليلي امساهـر امــناطـر
وحيل أنـدب قسمتي وحــظي العاثــر
بمزامط عدوها الوادم اتــفـاخـر
وامزامط صديچي قسمتي اتجيبه
(7 )
أجلبنك يليلي وأحترگ بسكوت
يا هم العليّ مثل هم المـــــــــــوت
يا ذل الزمان الصار بيه الصوت
ممنوع اليســـــــولف يبقه ابريبه
(8)
أجلبنك يليلي وحالي ابيا حال
يا ضيم العليّ ما تشيل اجبال
صار ابهل الزمان الما يجي اعله البال
يعد اعيوب غيره وما يعد عيبه
( 9 )
أجلبنك يليلي وحسرتي ابصدري
توج چانون يسعر واحترت بأمري
بعض الناس تدري واللي ما يدري
ظنته امن العدس بايگلي اگضيبه
( 10 )

أجلبنك يليلي وي صده الذكره
أذوب اشموع سكته وأجذب الحسره
أشوف الناس لا تكتب ولا تقره
بتسطير الجذب واحدهم امصيبه
( 11 )
أجلبنك يليلي وأنظر الهل الناس
أشوفنهه تياه وفاقده الاحساس
مخبوصه تلف ما عدهه كل مقياس
ميزان الحچي اختلت تراتيبه
(12)
أجلبنك يليلي وبيك أشهد انجوم
على روحي الحزينه اِشكثر بيهه اهموم
هم گلبي وزماني الما يهمه اللوم
صفه الدحدوح وكتي وگلبي اگصيبه
( 13 )
أجلبنك يليلي ويشهد العباس
من وكتي الأعيشه شاب حته الراس
روحي اتدوهنت واِنصبت بالوهواس
واحســــن بالعقل متفرهــــــد انهيبه
(14)
أجلبنك يليلي وهم أنه ابنادم
جسمي مـــــــــن لحم ويّاه حفنة دم
مل مني الوكت من حيث هم ابهم
سوّاهه زمــــــــاني اوياي تسچيبه
(15)
أجلبتك يليلي وآنه والأفكار
جيش وحاصراني و الاِهموم اعصار
يا ويل الزمان البيه ابنك صار
جاسوس اعله بيته وملتهي ابجيبه
(16)
أجلبنك يليلي وآه بعد ماصيح
ولا أرضه الدمع هينوب گطره اتطيح
لو مره عذابي ومره التجريح
چا مــــــــــــل المسيح وغادر اصليبه
(17)
أجلبنك يليلي والعتاب ادموع
غدر بي زماني وسحن مني اضلوع
هم اترد يأمسي وبيك أضوي اشموع
لــــــــو مليت مثلي وراضي بالغيبه
(18)
أجلبنك يليلي وأستحق كل هاي
أكلي بالمذله وحسره شرب الماي
والأدهه وأمر مسلوب مني الراي
واِچماله الأطيعه فاســــــد احليبه
(19)
أجلبنك يليلي والرضع فاسد
عليّ خلاه وكــــتـــي آمــــــر وقائد
كفيلي المصطفى والمرتضى الشاهد
هـــــــــــــذا الزاد اكليبي تصاويبه
(20)
أجلبنك يليلي وبطلت لهناه
شتفيد الندامــــــــه اشتنفع الويلاه
لا وسفه وكتي اعله ولا أگولن آه
جي لنه ســـــــخيف وضاع ترتيبه





كيف تدعم-ين الحوار المتمدن واليسار والعلمانية على الانترنت؟



رأيكم مهم للجميع - شارك في الحوار والتعليق على الموضوع
للاطلاع وإضافة التعليقات من خلال الموقع نرجو النقر على - تعليقات الحوار المتمدن -
تعليقات الفيسبوك () تعليقات الحوار المتمدن (0)


| نسخة  قابلة  للطباعة | ارسل هذا الموضوع الى صديق | حفظ - ورد
| حفظ | بحث | إضافة إلى المفضلة | للاتصال بالكاتب-ة
    عدد الموضوعات  المقروءة في الموقع  الى الان : 3,516,827,950
- المالكي نجم للشعر وفارس للمنصة
- مساجلة ساخنة في الأبوذية
- أحله ورده
- فلاح المحبة
- تحيات الى عامل اِسمه آيار
- أغنية للناصرية
- عزائي اِني أحبك
- ما بعد السقوط
- الشيوعي والمحبة .. .. توم
- خواطر للعيد الرابع والسبعين
- لمنجز
- الترنيمة رقم 74
- 74 بوسة
- عشگ بدوي
- الدرس الأول
- نهران الصدگ والوطن واِفلان
- شوگ فختاية
- مونليزا فختاية الجنوب الثائرة
- ما بعد سقوط هبل
- حزن علوان


المزيد.....




- بريطانيا تجدد دعمها الكامل للمسلسل الأممي ولجهود المغرب -الج ...
- ماجدة موريس تكتب:الجونة… مدينة السينما
- تاج ذهبي وفيلم سينمائي احتفالا بعيد ميلاد رئيس وزراء الهند ( ...
- وفاة المخرج السينمائي الجزائري موسى حداد
- طبيبة تحت الأرض.. فيلم عن معاناة الغوطة يفوز بجائزة مهرجان ت ...
- رحيل المخرج السينمائي الجزائري موسى حداد
- بنشماس ينفي مصالحة المعارضين له
- متحف الإرميتاج يعتزم فتح فروع له داخل روسيا وخارجها
- أمير الغناء العربي يصدح بـ -مصر أجمل شيء-
- وهبي يسائل الداخلية: هل حقا منعتم هذا المؤتمر؟


المزيد.....

- سلّم بازوزو / عامر حميو
- انماط التواتر السردي في السيرة النبوية / د. جعفر جمعة زبون علي
- متلازمة بروين / حيدر عصام
- -مسرح المجتمع ومجتمع المسرح-، بحث حول علاقة السياق الاجتماعي ... / غوث زرقي
- المنحى الفلسفي في شعر البريكان / ياسر جاسم قاسم
- عناقيد الأدب : يوميات الحرب والمقاومة / أحمد جرادات
- ديوان ربابنة الجحيم الشاطحون / السعيد عبدالغني
- ديوان علم الانعزال ، أنتيكات الغرائبية / السعيد عبدالغني
- استعادة المادة، الفن والاقتصادات العاطفية / عزة زين
- سيكولوجيا فنون الأداء / كلين ولسون


المزيد.....
الصفحة الرئيسية - الادب والفن - حسين جهيد الحافظ - خواطر ممزقة