جواد القابجي
الحوار المتمدن-العدد: 2113 - 2007 / 11 / 28 - 08:24
المحور:
الادب والفن
تناخوْ علرذيله افروخهه وشيوخ
******** اوصار ابإسم الله صالخ اومصلوخ
عبّادة وثن عبّادة الدولار
باعت للوطن وتغسِّلت بلعار
جابوْ كل جرابيع الجرب للدار
******** والبعران تشمخ والإسود اتنوخ
أسد متوحِّش اوضاري على جنسه
سفك دم البريء ايصيرله ونسه
بس الله كريم اشلون منكنسه
******** مثل القذر زرقاويهم المنسوخ
من أسمائهه نعرف حراميّه
مرّه اسلام مرّه اتباع بعثيّه
ذوله اجناس أبداً مو عراقيه
**** بريء اعراقنه من كل شخص مفخوخ
لازم هلزباله انزيحهه برّه
اعراقيين احنه اولادهه الحرّه
سواعد خيرعدنه اوعدنه كل قدره
******* تاج الوطن يعله روسنه اوبشموخ
او تاج الوطن ..
يعله روسنه ..
اوبشموخ ..
***************************
#جواد_القابجي (هاشتاغ)
كيف تدعم-ين الحوار المتمدن واليسار والعلمانية
على الانترنت؟