السبت إللى جاى لونه إيه ؟

فتحى فريد

الحوار المتمدن-العدد: 2088 - 2007 / 11 / 3 - 11:22
المحور: كتابات ساخرة
    

السبت القادم قد يكون هو السبت الأسود أو السبت السعيد الأبيض عارفين ليه علشان خلاص يوم السبت 3/11/2007 يا يخرجوا د.عادل فوزى وبيتر عزت أو لا قدر الله يتحولوا إلى محاكمه غير عادلة وطبعاً هاتقولى عرفت منين إنها غير عادلة هاقولك مابنى على باطل فهو باطل طيب هاتقولى الناس دى سبت القرأن وحرفوا فيه وأساؤ للإسلام والرسول والصحابه هاقولك هو إنتا ربنا طيب هو لما أبراها الحبشى جيه علشان يهدم الكعبه والناس راحت لعبد المطلب وسألوه ماذا سيفعل من أجل إنقاذ بيت الله الحرام فماذا قال ؟ قال للبيت رب يحميه طيب ماهى محللوله ماهومش للأسلام رب يحميه ولا إيه وليه نصبنا نفسنا أولياء الله الصالحين طيب لوكنتم عايزيين تحاكموهم بتهمه إزدراء الدين الإسلامى والتبشير حاكموا محمد عمارة وحاكموا الجمعيات السلفيه والشيوخ الذين يعملون بالدعوة للدين الإسلامى ومتنسوش تحاكمو طلاب الأزهر والمعاهد الدينيه .....ألخ
حاكموهم هما كمان إشمعنا ولا حلال لناس حرام لناس ومحدش يفتح بقه ويقولى إحنا فى دوله إسلاميه لا يا حبيبى ده
دوله أم حرحش عارفها ؟

وبينى وبينكم أنا عايزهم يتحبسوا عارفين ليه ؟


علشان العالم كله يعرف قد إيه مصر تقمع الأقباط
علشان العالم كله يعرف إن مصر مافيهاش حريه أعتقاد
علشان العالم كله يعرف قد إيه إحنا فى دوله يحكمها شيخ مشايخ قمع ستان
وعلشان الأقباط نفسهم يعرفوا قد إيه الحرية غاليه وقد إيه المطالبه بها ليها ثمن وثمن غالى جداً

فهل الأقباط مستعدون لدفع الثمن أم وقت الحساب لم يأتى بعد؟
ولكن مازال فى العمر بقيه ومازال القلب ينبض ومازال العقل يفكر ومادام القلم لم يكسر والفكر لم يبتر سنظل ندافع ونحارب ونجادل معأ يداً بيد من أجل الحق والعدل والمساواة والحريه
أحبس أحبس ف الأقباط مش جديدة على السادات
وحدة واطنية واحدة ضد السلطه إللى بتدبحنا
وطن واحد حلم واحد مصر بلدنا لكل الناس للمسيحى وللكناس
عادل عادل يا رفيق إنتى جوه السجن برىء
بيتر بيتر لا تخاف إحنا كمان مش بنخاف

#فتحى_فريد (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات