الضيق

عجيل جاسم عذافة
ajeelaiijeel@gmail.com

2020 / 7 / 31

من ضاق بيّه الوقت
قلت احكي ويّه اناس
واختار منهم قلت
اللي ضميره احساس
وينهل من العلم
ويعرف يداري الناس
ما حسبتهم سوى
اللي درس مفلاس
وكثير يلما درس
عنده الكلام الماس
وهم خاب ظني بهم
وقلبي امتلا وسواس
ما شفنه طب بالخلگ
تاكل تبن غلاس
واللي يخاف المرض
ليشم ورد من ياس
وينام طول الوكت
يطگه الثول ونعاس
ما ينعرف هُوْ حي لو
مات موت ارجاس
واللي يعرف الحجي
ما يغلط على الناس
مو كل طبيب افتهم
نصهم يدور افلاس
ومن گله ياكل تبن
يدري شكثر حساس
ما يدري يقرا النم
وضاقت عليه الانفاس
وگله العنب محفوظ
عنبك ترى منجاس



https://www.ahewar.org/
الحوار المتمدن