يا عويد لا تبلينا

عمر قاسم أسعد
omarjtso@yahoo.com

2019 / 1 / 9

تعال فتش أواعينا *** يا عيوني
والطش كل المصاري *** الله الله
إيدك جوا جيبتنا *** يا عيوني
ولا ايدك بحلوقنا *** الله الله
ليش يا ريس حكومتنا *** يا عيوني
مش سائل عن حالتنا *** الله الله
فلوس ما ضلش معنا *** يا عيوني
يا عويد لا تبلينا *** الله الله
ما ضل عنا فوسفات *** يا عيوني
ولا مينا ومطارات *** الله الله
كيف نرجع البوتاس *** يا عيوني
من عديم الاحساس *** الله الله
بين الزرقا والعقبة *** يا عيوني
صرنا نوطي هالرقبة *** الله الله
والطريق مطبات *** يا عيوني
من عمايل السادات *** الله الله
الله يبلاكم الله *** يا عيوني
ولجهنم ان شاء الله *** الله الله
ويا عيني على هالشعب *** يا عيوني
عالطالع قاعد ينسب *** الله الله
ولازم نحكي ونعلي الصوت *** يا عيوني
ونتحدى السجن والموت *** الله الله
وعلى الرابع يلا نروح *** يا عيوني
ونهتف للوطن بالروح *** الله الله
وهذا الوطن وطنا *** يا عيوني
وحضن الوطن يقبلنا *** الله الله
والشمس بكرة بتطلع *** يا عيوني
والفاسد عنا بخلع *** الله الله



https://www.ahewar.org/
الحوار المتمدن