الى سياسي المنطقة الخضراء في بغداد

عبدالكريم هداد
kareemhadad@hotmail.com

2015 / 10 / 16

أيا إبنْ الطَحالْ وخَدَّه الطْراگْ
مَذلولْ ونَجِسْ يالعايش تْبوگْ
صبحْ گوادْ وشوفَه اشْلونَه شيبيعْ
هَمَّه لِلفِلِسْ ما يِعرفْ حْگوگْ
بْمَجْمَعْ كَلَچيَّه ويِمْشِي طاووسْ
وگْرونَه عْلَى راسَه صِعْدَنْ لْفُوگْ
حَسْبالَه مَلِكْ ويَاعيبْ المْلوكْ
بلا ذمَة وضَمير وشَرَف مَشْگوكْ
يَهَلْبتْ تِتِعِضْ من ذِيچْ.. مِنْ هايْ
وشْلَتْ غِيرتَكْ وهَالصِرِتْ مَنْيوكْ
يا رگعَة تِسِدْهَا.. شَگـَّكْ چْبيرْ
وفضيحَة اللبْسِتَكْ والثوبْ مَحْروگْ
لَمْلِمْهَا ويَّه عارَكْ والزِگْهَا عِنْوانْ
اخَبْرَكْ الشَرَفْ مُو حَچي وصِكُوكْ
لَوَنْ بالمال قاسَوْا شِيمَةْ الناسْ
چا عفلق صِبَحْ قَيْصَرْ عَالشروگْ
الرجُولَة تِتِضِحْ مِنْ مَوقِفْ يْصيرْ
مُو صِيتْ الچذبْ وتَزويرْ بِالسوگْ
ألفْ لَعْنَة عْلَى اصْلَكْ لُو أصِلْ بيكْ
خايِسْ الأصِلْ.. والطبِعْ بَرْبوگْ .

15-10-2015



https://www.ahewar.org/
الحوار المتمدن