أروح وآني ممتندم

شيرزاد همزاني
sherzad_hemzani@yahoo.com

2011 / 1 / 3

كان لازم هيجي تظلم
وكان لازم هيجي
ما ترحم
كان لازم هيجي تجرح
والجرح تعمقه
وما تهْتـَم
كان لازم أحسك
مَتْحْسْ بيي
وأن عواطفي يمك
شخبطة قلمْ
كان لازم هيجي تأذيني
وتحسسني آني عندك
مو من لحم ودمْ
كان لازم هيجي تغلط
وآني بس أتْبَرَمْ
كان لازمْ
أنت تْفَحَمْ نفسك
لو أبد ما كنت
راح تتفحمْ
***
***
يا ليتك بقيت غايب
ويا ليتك بيقيت
ذاك الحلمْ
ويا ليتك بقيت
ذاك النور
أشوفك بالنهار
وأفتقدك
من الدنيا تعْتمْ
***
***
لكن ألآن
لازم أشكرك
لأن
والله
تعرف تُظْلم
و والله
بظلمك
تعرف أتدرس
وخوش تَعْلْوُم
بظلمك
تعرف أتْعَلِمْ
ولأن صدمتني
وآني أكَدرأروح
أحْسَنٍ
مْنْ ما متأخر
أنصدم
وهسة
أروح
وآني ما أحبك
أروح وآني ممتندم

Augsti /28th / 2008



https://www.ahewar.org/
الحوار المتمدن