كاس

سامي عبد المنعم
samiabdalmnem@hotmail.com

2010 / 11 / 7

اهداء الى الفنان المبدع صلاح چياد
الذي التقيته لعامين متتاليين في مهرجان
اللومانتيه اليساري في باريس
دايخ بالفرح ...
ترسم اهموم الناس
الوانك ...
امن عيون الاطفال اتصوغها
وكلك امل واحساس
حاير ...
يارسم يرهم الكل الناس
ريشة رسم بيدك ...
چنها ريشة عود تعزف ياس
ايهيم بالغنه من يطرب الراس
تصفن ...
تعصر الظيم البروحك
اتشوف كلشي ايمر عليك ابومضه
وايطير النعاس
تختلص الوانك ابلون الوطن
ترسم حديقه
ايطش على اللوحه عطر
صاحب وفي يرسم صديقه
تدري ... كلش تدري
اشلون ينشاف الحلم
وابيا طريقه
قميصك ...
شرب لون الليل
وصار للوحه اساس
كلشي ما تترجه من الدنيه
بس دخان من صحوة جگاره
والق كاس



https://www.ahewar.org/
الحوار المتمدن